На 17ти мај 2016 година беше првото заедничко одбележување на Интернационалниот ден против хомофобија, бифобија и трансфобија (ИДАХОБИТ) во организација на Делегацијата на Европската Унија во Македонија и канцеларијата на УНДП во Скопје, во соработка со Субверзивен Фронт. Претставниците на ЕУ и на ОН во Скопје спомнаа колку е важно да се посочат ЛГБТИ прашањата во земја каде што не постои државна поддршка за оваа заедница. Антони Михајлов, претседателот на Субверзивен Фронт, напомена дека поразителен е фактот дека ЛГБТИ прашањата се разгледуваат од странски организации и мисии во земјата, а не од страна на надлежните државни органи.
ИДАХОБИТ 2016 исто така беше настанот на кој беше доделена наградата “Поддржувач на годината” за прв пат во историјата на македонскиот ЛГБТИ активизам. Наградата, која се доделува на поединци и организации кои имаат значаен придонес во кампањата за еднакви права на ЛГБТИ луѓето во Македонија, му беше доделена на Огнен Јанески, ТВ водител и новинар во македонската национална телевизија “24 Вести”, кој постојано покажува извонредни напори на поддршка и солидарност во борбата против хомофобијата и трансфобијата во Македонија.